नेपाल भाषाया च्वसामि प्रेम सायमी मदुगुली बिचाः हायेका

wno-condolenceनेपाल भाषाय थी थी सफू च्वयाः पत्र पत्रिका पिथना नापं रेडियो नेपालय नेपाल भाषां बुखँ ब्वनेगु लिसें सम्पादन, अनुवाद व रिपोर्टिङ तकं याना नेपालभाषाया ख्यः तःब्याकेगुली थःत पाना वैच्वनादीम्ह झी प्रेम सायमी भाजु दुर्घटनाय लाना मत्यवं मदुगुगु बुखं न्यना वर्ल्ड नेवाःअर्गनाइजेशनया जिपिं सकल दुजःपिं स्तब्ध व तच्वकं दुःखित जुयागु दु ।

वयकः मदया नेपालभाषा ख्यलं छम्ह स्यलाम्ह भाषा सेवी व च्वसामि तंकेमाःगु दु । नेपालभाषा व नेवाः जातिया निंतिं थ्व तःधंगु हंता खः ।

थ्व दुःखया ईलय् वयकःया तिरि मयजु काय म्ह्यायपिं नापं दुःखं कःपिं सकल छेंजःपिंत वर्ल्ड नेवाः अर्गनाइजेशनया सकल दुजःपिनिपाखें दुनुगलं बिचाः हायेकूसें श्रद्धाया स्वां देच्छाना ।

नेवाः जाति व नेपालभाषा प्रति प्रेम सायमी भाजुं यानादीगु अमुल्य योगदानयात झीसं सदां लुमंका तये ।

नेपाल संवत ११३६ थिंलाथ्व २ (13 December 2015)