हलिं नेवाः दबू नेपाः देय् मूकवःया न्हापांगु अधिवेशन ने.स. ११३६ पोहेलागा चर्हे (February 7, 2016) कुन्हु सम्पन्न जुल । नेपाः कवःया नायः नरेन्द्रभक्त हाडाया नाय:सूइ जूगु उद्घाटन सत्रया उलेज्या मू पाहां नेवाः देय् दबूया नायः नरेश ताम्राकारं त्वाः देवाय् मत च्याकाः यानादिल । कव:या मू दुज: रश्मिला प्रजापतिं लसकुस यानादीगु ज्याझ्वलय् कवःया छ्यान्जे शाक्य सुरेनं संस्थाया प्रगती प्रतिवेदन न्ह्यब्वयादीगु खःसा दांभरिं पुष्करभक्त माथेमां आर्थिक प्रतिवेदन न्ह्यब्वयादीगु खः ।
ज्याझ्वलय् हलिं नेवाः दबूया केन्द्रिय दुजः डा. विजय सैंजु, केन्द्रिय छ्यान्जे लिसें प्रवक्ता सुभाषराम प्रजापति, नेवाः स्वायत्त राज्य मंकाः संघर्ष समितिया नायः मनोज नेवाः खड्गीं थःथःगु नुगःखँ तयादीगु खः । ज्याझ्वलय् मू पाहां ताम्राकारं विदेशय् च्वंपिं नेवाःमस्तय्सं तकं नेवाः भाय् ल्हानाच्वंगु दुगु अवस्थाय् नेपाःया नेवाःतय्सं थःगु भाय् ल्हायेगु त्वःता वनाच्वंगुलिइ दुःख प्वंकादिल । ज्याझ्वःया वक्तापिन्सं हलिं न्यंक च्वंपिं नेवाःत संगठित जुयाः पिनं सयेकाः थःगु देशय् थःगु जातीया उत्थानया नितिं ज्या यायेमाःगुलिइ बः ब्यूगु खः ।
उद्घाटन सत्र लिपा नेपाः कवःया नायः नरेन्द्रभक्त हाडाया अध्यक्षताय बन्द सत्र न्ह्यात । ज:पिन्के प्रगती प्रतिवेदन व आर्थिक प्रतिवेदन बारे सुझाव काएगु व निगुलिं प्रतिवेदन पास याएगु ज्या जुल । अनलिं भाजु नरेश ताम्राकारया नेतृत्वय् ओमचरण अमात्य, माइला बाबु द्यला व मनोज नेवाः खड्गी दुथ्याःगु निर्वाचन मण्डल पाखें न्हुगु ज्यासना पुच: ल्यएगु ज्या न्ह्यात । न्हूगु ज्यासना पुचलय् ४९ दुजःया केन्द्रिय समिति व केन्द्रिय समितिया ज:पिं पाखें १५ सदस्यिय सचिवालय गठन याःगु दु । सर्वसम्मतिं न्हूम्ह नायः कथं पुष्करभक्त माथेमा, न्वकू कथं शाक्य सुरेन व गणेशराम लाछि, मू-छ्यान्जे कथं रश्मिला प्रजापतियात ल्यःगु दु । व हे कथं छ्यान्जे रत्नकाजी महर्जन, दांभरिं कथं सुरेन्द्रभक्त श्रेष्ठ अले ल्यू दां भरिं पदय् सुदय राज शिलाकार जुयादीगु दु । अथे हे सचिवालय दुज: कथं कस्तुरी श्रेष्ठ, श्रीकृष्ण महर्जन, नहेन्द्र प्रधान, कृष्णहरि सैंजु, सविता महर्जन, राजेन्द्र महर्जन, बिराजकाजी राजोपाध्याय, शान्ता जोशी च्वनादीगु दु ।उगु ज्याझ्वलय् न्हूम्ह नायः माथेमां कवःया सल्लाहकार कथं निवर्तमान नायः नरेन्द्रभक्त हाडा व निवर्तमान दुजः अर्थ तुलाधरयात प्रस्ताव यानादीगु खःसा मुँज्या उकियात पारित याःगु खः ।
४९ सदस्यिय केन्द्रिय समितिया नां धलं:
1. पुष्करभक्त माथेमा – नायः
2. शाक्य सुरेन – न्वकू
3. गणेशराम लाछि – न्वकू
4. रश्मिला प्रजापति – मू-छ्यान्जे
5. रत्नकाजी महर्जन – छ्यान्जे
6. सुरेन्द्रभक्त श्रेष्ठ – दांभरिं
7. सुदय राज शिलाकार – ल्यू दांभरिं
8. कस्तुरी श्रेष्ठ – दुज:
9. श्रीकृष्ण महर्जन – दुज:
10. नहेन्द्र प्रधान – दुज:
11. कृष्णहरि सैंजु – दुज:
12. सविता महर्जन – दुज:
13. राजेन्द्र महर्जन – दुज:
14. बिराजकाजी राजोपाध्याय – दुज:
15. शान्ता जोशी – दुज:
16. भरत किशोर श्रेष्ठ – दुज:
17. प्रमिशा श्रेष्ठ – दुज:
18. तेज कुमार श्रेष्ठ – दुज:
19. ईन्द्र बहादुर श्रेष्ठ – दुज:
20. रबी डंगोल – दुज:
21. जीवन श्रेष्ठ – दुज:
22. गंगा बहादुए नेम्कुल – दुज:
23. नवीन जोशी – दुज:
24. अन्जना ताम्राकार- दुज:
25. पुर्ण प्रसाद श्रेष्ठ – दुज:
26. समर बहादुर श्रेष्ठ – दुज:
27. शंकर रत्न श्रेष्ठ – दुज :
28. रवीन्द्र लाल मूल – दुज :
29. मना देवी श्रेष्ठ- दुज:
30. बिजय कुमार महर्जन- दुज:
31. ज्ञान कृष्ण डंगोल- दुज:
32. सुजन महर्जन- दुज:
33. सरिता कुमारी श्रेष्ठ- दुज:
34. रेणुका श्रेष्ठ- दुज:
35. ताराराम श्रेष्ठ – दुज:
36. सुरचन्द्र दर्शनधारी- दुज:
37. अन्जली ब्यन्जनकार- दुज:
38. विश्वनाथ श्रेष्ठ – दुज:
39. राधेश्याम त्वानाबासु- दुज:
40. धर्मा रत्न खाइतु- दुज:
41. सुजन जोशी – दुज:
42. बिनोद तुलाधर- दुज:
43. सोम बहादुर श्रेष्ठ – दुज:
44. शिला श्रेष्ठ – दुज:
45. जेशिश कुमार श्रेष्ठ- दुज:
46. रमेश मान मुनिकार – दुज:
47. मंगल रत्न ताम्राकार – दुज:
48. शोभा श्रेष्ठ – दुज:
49. सुदिप श्रेष्ठ