वर्ल्ड नेवाः अर्गनाइजेशनया निक्वःगु तःमुँज्या थ्वहे वइगु मार्च २५, २६ व २७ तारिखय् स्वन्हुयंकं अमेरिकाया बाल्टिमोरय् जुइत्यंगु दु । तःमुज्या लिक्क वयाच्वंगु इलय् लाकाः अर्गनाइजेशनया भारत च्याप्टर नीस्वनेगु ज्या जूगु दु ।
अखिल भारतीय नेवार संगठनया ग्वसालय् सिलगुडीया प्रधान नगरय् जूगु छगू मुँज्यां पश्चिम बंगालया एसपी प्रधानया संयोजकत्वय् वर्ल्ड नेवाः अर्गनाइजेशन भारत च्याप्टर नीस्वंगु खः ।
अर्गनाइजेशन भारत च्याप्टरया मेमेपिं दुजलय् बादशाह प्रधान(पश्चिम बंगाल), जीवनलता प्रधान(पश्चिम बंगाल), दिपक प्रधान(दार्जिलिङ), टिएल श्रेष्ठ(न्हूदिल्ली), भिम प्रधान(सिक्किम), गोविन्द प्रधान(पश्चिम बंगाल), सुरेन्द्र प्रधान(उत्तराञ्चल देहरादुन) व देव नेवार(आसाम) च्वनादीगु दु ।
भेलाय् वर्ल्ड नेवाः अर्गनाइजेशनया छ्याञ्जे सुभाषराम प्रजापतिं थ्वहे वइगु मार्च २५ निसें २७ तक अमेरिकाय् जुइगु निक्वःगु वर्ल्ड नेवाः अर्गनाइजेशनया तःमुँज्याय् भारतीय नेवाःतय्गु उपस्थिति दये हे माःगु खँय् बः बियादीगु खःसा ज्याझ्वलय् संस्कृतिकःमि गणेशराम लाछिया नं उपस्थिति दूगु खः ।
साभार: सन्ध्याटाइम्स न्हिपाै, माघ २६ मंगलवार