न्हिल्याः – नेपाल संवत् ११३७ पोहेलाथ्वः पञ्चमि, मंगलवाः
सलंसः दँनिसें दया वयाच्वंगु नेवाःतय्गु थीथी प्राचीन वस्तीइ नेवाःतय्त विस्थापित याये कथं विना मुआव्जा व सर्वोच्च अदालतया अन्तरिम आदेशयात तकं बेवास्ता याना गैर कानूनी ढंगं छेँ व सांस्कृतिक सम्पदा थुनाः लँ तब्याकेगु ज्यायात वल्र्ड नेवाः अर्गनाइजेशनपाखें घोर भत्सर्ना यानाच्वना । थ्वहे झ्वलय् ने.सं. ११३७ पोहेलाथ्वः षष्ठी (२०१७ जनवरी ४) वुधवाः खुन्हु काठमाडौं उपत्यकाव्यापी सडक विस्तार पिडित संघर्ष समितिपाखें जुइत्यंगु स्वनिगः बन्दयात पूर्ण रुपं ऐक्यवद्धता प्वंकाच्वना । थुगु बन्दया झ्वलय् जुइफुगु गुगु नं कथंया क्षतिया पूर्ण भागीदार नेपाल सरकार, शहरी विकास मन्त्रालय अन्तर्गतया उपत्यका विकास प्राधिकरण जुइ ।
नेपाल सरकारपाखें जुयाच्वंगु अव्यवस्थित शहरी विकास, अनियन्त्रित सवारी साधनया आयात, गैर कानूनी कथं लँ तःब्याकेगु ज्या व नीजिसम्पतिइ राज्यया हस्तक्षेपयाया विरोध यासें थज्याःगु जनविरोधी ज्या तत्काल दिकेत जोडदार माग यानाच्वना ।
सुभाय् ।
—
सुभाषराम प्रजापति
मू छ्याञ्जे
सिजन श्रेष्ठ
नायः