Watch the full video here.
हलिं नेवाः दबुलिं निष्ठानन्दया १६७ क्वःगु बुन्हि हन
हलिं नेवाः दबूया ग्वसालय् ने.सं. ११४४ थिंलाथ्व तृतिया खुन्हु जूम प्रविधिपाखें गद्यगुरु पण्डित निष्ठानन्द बज्राचार्यया १६७ क्वःगु बुन्हि झःझः धायेक हनेगु ज्या जुल । हलिं नेवाः दबूया केन्द्रीय नायः भाजु संयुक्त श्रेष्ठजुं निष्ठानन्दया किपाया न्ह्यःने त्वाःदेवाय् मत च्याकाः लसकुस न्वचु बियाः न्ह्याकादीगु थुगु बुन्हि हनेज्याया मू न्वचुमि ईल्वहं प्रकाशनया संरक्षक नेवाः न्ह्यलुवा नरेशवीर शाक्यजु खः । वय्कलं पण्डित निष्ठानन्दया तःजिगु कृति ललितविस्तर सपूmया बारे दुग्येक खँ कनादीगु खः । वय्कलं न्वचुया झ्वलय् निष्ठानन्दया थ्व ललितविस्तर टाइवानपाखें जकहे नीच्याद्वःगू प्रति सपूm पिथने ज्या जूगु झी सकसिगुं निम्तिं गौरवया खँ खः धयादिल ।
थुकथं हे नेवाः देय् दबूया नायः पवित्र बज्राचार्यजुं निष्ठानन्दजुं ललितविस्तरजक मखु मेमेगु नं यक्व कृति सृजना यानाः नेपाल भाषा साहित्य ख्यः तःमि यानादीगु दु धयादिल । लिसें वय्कलं ललितविस्तर सपूmया खँय् प्रशंसा जक यायेगु मखु अध्ययन यानादीत नं सकसितं इनाप यानादिल ।
लोककवि व हलिं नेवाः दबूया साहित्यिक एम्बसडर राजभाइ जकःमिजुं निष्ठानन्दया बारे थःगु चिनाखँ न्यंकुसे निष्ठानन्द नेपालभाषाया पुनर्जागरण युग हयादीम्ह प्यंग थां मध्ये दकले थकालिम्ह महारथि खः धयादिल । नांजाःम्ह पत्रकार मय्जु सिल्भिया राजउपाध्यायजुं न्ह्याकादीगु थुगु ज्याझ्वः दबूया केन्द्रीय छ्यांजे लुभु श्रेष्ठजुं सुभाय् न्वचु बियादीगु खः । फेस बूकय् नं लाइभ जूगु थुगु ज्याझ्वलय् थीथी देय्या तःम्हमछि नेवाः व्यक्तित्वपिंसं ब्वति कयादीगु खः।