हनेबहःम्ह सत्यमोहन जोशी भाजुया भिं उसांयया कामना

जिमिगु वर्ल्ड नेवाः अर्गनाइजेशनया हनेहबःम्ह मू संरक्षक अले नेपालभाषा व खय भाषाय् अनेकन सफू च्वया नेपाःया साहित्य, कला संस्कृतिया विशिष्ट धराेहर जुया जनस्तरं शताब्दि पुरुषया सन्मानं विभुषित जुयादीम्ह सत्यमोहन जोशी भाजु छंु ई न्ह्यवलिसें म्हंमफया अस्पतालय लानाच्वंगु बुखं न्यना वर्ल्ड नेवाः अर्गनाइजेशनया जिपिं सकल दुजःपिं चिंतित जुयाच्वनागु दु । वयकःया उपचार बांलाक न्ह्यज्यानाच्वंगु व न्हियान्हिथं वयकःया स्वास्थ्य बांलाना वयाच्वंगु बुखं न्यने दया जिपिं लयता ।

नापं नेपाल सरकारं वयकःया फुकं उपचार खर्चया भाला काःगु खं उप-प्रधानमन्त्री प्रकाशमान श्रेष्ठ भाजुपाखें न्यने दया नं जिपिं लयता । छगू शताब्दि धयाथें ताःहाकःगु थःगु जीवनय् फुक धयाथें ई नेपालभाषा व खय भाषाया माध्यमं नेपाःया साहित्य, कला व संस्कृतिया धुकू जायेकेगु ज्वःमदुगु याेगदान बियाच्वनादीम्ह शताब्दि पुरुष सत्यमोहन जोशी प्रति राज्यपाखें थःपिनिगु दायित्व पुवंकूगु भाःपाः जिमिसं च्वच्छाना ।

वर्ल्ड नेवाः अर्गनाइजेशनया सकल दुजःपिंपाखें हनेबहःम्ह सत्यमोहन जोशी भाजुयात भिं उसांयया कामना यासें सकतां ल्वय याकनं हे क्वलाना न्हापाथें धिसिमिसिधाया थःगु न्हिज्या सुथांलाका न्ह्यज्याकाच्वनेत वयकः ताःलायेमा धका नं दुनुगलं िभंतुना देच्छाना च्वना ।

नेपाल संवत ११३५ पाेहेला ६ (2014 December 27)
डा बाल गाेपाल श्रेष्ठ
नायः, वर्ल्ड नेवाः अर्गनाइजेशन
World Newah Organisation
www.worldnewah.org