येँ (सन्ध्या टाइम्स)/बेलायतया लण्डनय् जुइगु न्हापांगु अन्तर्राष्ट्रिय नेवाः सम्मेलन आः नेपाल संवत् ११३२ न्हूदँया लसताय् लाकाः याइगु जूगु दु। थ्व ल्याखं थ्व सम्मेलन आः नेपाल संवत् ११३२ या कौलागा ३ निसें ५ (अक्टोबर २९ निसें ३१) तक स्वन्हु यंकं यायेगु निर्णय जूगु दु। थ्व स्वयां न्ह्यः उगु सम्मेलन थ्वहे वइगु जुलाई महिनाय् यायेगु धकाः तयारी जुयाच्वंगु खः ।
वर्ल्ड नेवाः अर्गनाइजेशन (डब्लुएनओ) या ग्वसालय् जुइगु उगु सम्मेलनय् विश्वया थीथी च्वनाच्वंपिं नेवाःतय्सं ब्वति काइ। डब्लुएनओं सन् २०११ निसें २०२० तकयात ‘नेवाः दशक’ घोषणा यासें थ्व दछि नेवाःलिसे सम्बन्धित थीथी ज्याझ्वःत यायेगु निर्णय नं याःगु दु। थुगुसी लण्डनय् जुइगु न्हापांगु विश्व नेवाः सम्मेलन ताःलाकेगु लागिं ग्वसाः खलकं ‘लण्डन वने नु, झीगु सः हलिमय् थ्वयेके नु’ धइगु नारा बिउगु दु ।
श्रोत –