नेपाःया नां दंम्ह कलाकार मयजु गिरिजा श्रेष्ठ ७५ दँया उमेरय् आकाझाकां मदूगु बुखं न्यना वर्ल्ड नेवाः अर्गनाइजेशनया जिपिं सकल दुजःपिं तच्वकं दुःखित जुयागु दु ।
खय भासाया अनेकन प्याखनय कलाकार जुया म्हितादिम्ह मयजु गिरिजा श्रेष्ठं नेपाल भाषाया थीथी प्याखनय नं प्याखंम्वः जुया म्हितादिगु थन लुमंके बहःजु । नेपालभाषा प्याखं ख्यलय कलाकार जुया वयकलं यानादीगु अमूल्य योगदानयात झीसं सदां लुमंका तये । थन न्ह्यथने बहजु वयकःया काय निर्जल श्रेष्ठ नं नेपाल भाषाया छम्ह नांदंम्ह प्याखंम्वः नापं नेपाःया संकिपाया ख्यलय् न्ह्यथने बहम्ह कला निर्देशक नं खः ।
मयजु गिरिजा श्रेष्ठ मदया नेपालं छम्ह स्यलाम्ह नेवाः कलाकार तंकेमाःगु दु । थ्व झी सकलया निंतिं तःधंगु हंता खः । थ्व दुःखया ईलय् वयकःया काय निर्जल श्रेष्ठ नापं दुःखं कःपिं सकल छेंजःपिंत जिगु व्यक्तिगत व वर्ल्ड नेवाः अर्गनाइजेशनया सकल दुजःपिनिपाखें दुनुगलं बिचाः हायेकूसें श्रद्धाया स्वां देच्छाना ।
नेपाल संवत ११३६ चिल्ला ७ (16 March 2016)
डा. बाल गोपाल श्रेष्ठ
नायः
वर्ल्ड नेवाः अर्गनाइजेशन
www.worldnewah.org